Ілияс Қорықбаев

Қорықбаев, Ілияс
Дүниеге келгені:	1937 Батпақты ауылы, Ырғыз ауданы
Қайтыс болғаны:	1994 Батпақты ауылы, Ырғыз ауданы
Мансабы:	жыршы

Қорықбаев Ілияс (1937, Батпақты ауылы, Ырғыз ауданы — 1994, Батпақты ауылы, Ырғыз ауданы) — жыршы.

Өмірбаяны

• Ауылдық Кеңестің хатшысы

• почта байланысы бөлімінің бастығы

• кеңшар бухгалтері қызметтерін атқарған.

Өнер жолы

Домбыра тартуды жездесі Зәкария жыраудан үйренген.

Құрманғазының «Ақсақ киік», «Адай», «Кісен ашқан», Тәттімбеттің «Саржайлау», «Сылқылдақ», «Былқылдақ», т.б. күйлерін домбырада тамаша орындаған.

Атақты Ақан сері Қорамсаұлының «Құлагер», «Маңмаңгер», «Балқадиша», «Жаяу Мұса», Байжанұлының «Ақ сиса», «Сұрша қыз», Біржан Қожағұлұлының «Айтбай», «Ғашығым» т.б. әндерін домбыраға қосылып шырқаған.

Ш. Қалдаяқовтың әндері мен Нұрхан Ахметбековтың «Есім Сері», «Жасауыл қырғыны», «Ұры қарға» поэмаларын және «Алпамыс батыр», «Ер Тарғын»,"Қозы Көрпеш-Баян сұлу" эпостық жырларды жатқа айтқан.