Абай Мұхамедиярұлы Достияров

Уикипедия — ашық энциклопедиясынан алынған мәлімет
Навигацияға өту Іздеуге өту

Абай Мұхамедиярұлы Достияров 1951 жылы 21 тамызда Қостанай облысы Ұзынкөл ауданының Демьяновка ауылында туған. Қазақ.

  • Әкесі - Достияров Мұхамедияр, ҰОС ардагері. Анасы -Тоқышева Мінуара, мұғалім болған.Үйленген. Жұбайы - Достиярова Изатилзаман (1951 ж.т) зейнеткер. Ұлы - Асқар (1976 ж. т.); қыздары (1981 ж. т.), Айжан (1987 ж. т.).
  • Н.Э. Бауман атындағы Мәскеу жоғары техникалық училищесінің энергия машина жасау факультетін (1975) инженер-механик мамандығы бойынша; Н.Э. Бауман атындағы Мәскеу жоғары техникалық училищесінің аспирантурасын бітірген (1981). Техника ғылымдарының докторы (2000). Докторлық диссертациясының тақырыбы: «Шағын алаумен жанатын отын жағатын құрылғыларды әзірлеу және оларды есептеудің әдістемелері». Профессор (2001 жылдан). ҚР Жаратылыстану ғылымдарының академигі (2001 жылдан). «Отын жағатын құрылғылардағы шағын алаулы жану» монографиясының (Шымкент қ., 1999), «Автомобиль және экология» оқу құралының (Шымкент қ., 1999) авторы, «Көлік қозғалтқыштары және пайдаланылған газдардың уыттылығын төмендету» (Алматы қ., 1989), «Перспективалы жылу қозғалтқыштары. Стирлинг қозғалтқыштары» (Алматы қ., 1990), «Инженерлікіске кіріспежәне мамандық» (Алматы қ., 1991), «Жылжымалы құрам және пойыздардың тарту куші» (Шымкент, 2004), «Тоңазытқыш машиналар мен қондырмалар және ауаны салқындату жүйелері» (Алматы қ., 2005), «Жоғары математика. Негізгі және арнаулы курстар» (Алматы қ., 2006) кітаптарының тең авторы. 44 авторлық куәлік пен патенттің иесі, оның ішінде: «Жаңарғы» (№793069, №802702, 1981), «Іштен жану қозғалтқышы» (№1432255,1988), «Жылу сырттан келетін қозғалтқыш» (№1420216, 1988), «Жылу алмасу аппараты» (2009). Қазақ, орыс, ағылшын (сөздікпен) және неміс (сөздікпен)тілдерін біледі.1969 жылдан - Н.Э. Бауман атындағы Мәскеу жоғары техникалық училищесінің студенті.
  • 1975 жылдан - Апматы энергетика институты жылу энергетикалық қондырғылар кафедрасының ассистенті. 1978 жылдан - Н.Э. Бауман атындағы Мәскеу жоғары техникалық училищесінің аспиранты. 1981 жылдан - Апматы энергетика институтының ассистенті, аға дәріскері, доценті. 1986 жылдан - Алматы энергетика институты жылу энергетикасы факультетінің деканы. 1991 жылдың қазанынан - Алматы автомобль жол институтының доценті. 1992 жылдан - Алматы мобиль-жол институты автокөлік факультетінің деканы. 1995 жылдан - ҚР Білім беру министрлігі жоғары ,орындары белімінің бастығы. 1996 жылдан - Оңтүстік Қазақстан гуманитарлық университетінің проректоры 1998 жылдан - М. Әуезов атындағы Оңтүстік Қазяқстан мемлекеттік университетінің оқу жұмысы жөніндегі проректоры (Шымкент қ.). 2002 жылдан - ҚР БГМ Жоғары және жоғары оқу орнынан кейінгі кәсіби білім беру департаменті Мемлекеттік стандарттар, ұйымдастырушылық және әдістемелік қамтамасыз ету басқармасы бастығының орын басары, бастығы; серіктес мұнай газдарының жануы барысында тиімді жаңарғыларды әзірлеу және өндіру жөніндегі фирмалардың бас кеңесшісі. 2004 жылдан М. Тынышбаев атындағы ҚазККА оқу-әдістемелік жұмыс жөніндегі проректоры; «EcoEnergoGaz» фирмасының бас кеңесшісі. 2006 жылдың наурызынан - «Спецтехсервис» ЖШС бас директорының өндіріс женіндегі орынбасары (Астана қ.). 2009 жылдан бері - «КазТурбоРемонт Сервис Орталығы» ЖШС бас директорының ендіріс жөніндегі орынбасары «Білім» қоғамының мүшесі.
  • «КСРО өнертапқышы», «ҚР Білім беру ісінің үздігі»,«ҚР БГМ Құрметті қызметкері», «ҚР Гылымын дамытудағы сіңірген еңбегі үшін» тес белгілерімен, Мәскеу қалалық комитетінің, ҚазКСР Жоғары және орта арнайы білім министрлігінің, ҚР Жоғары білім беру министрлігінің құрмет грамоталарымен марапатталған.
  • Әскери атағы - запастағы майор. Діни көзқарасы - мұсылман, ислам. Саяси қайраткер ретіндегі идеалы - Дж. Неру, Д.А. Қонаев» Қазақстанның болашағы туралы болжамы - «Қазақстан 2050 жылы Азиядағы ең дамыған елге айналады». Хоббиі - елем елдерінің мұражайлары. Сүйіп оқитын әдебиеті - орыс және шетел классикасы