Абай даңғылы (Алматы)

Уикипедия — ашық энциклопедиясынан алынған мәлімет
Навигацияға өту Іздеуге өту
Абай даңғылындағы Абай ескерткіші

Абай даңғылыАлматы қаласының Әуезов, Бостандық, Медеу, Алмалы аудандарында орналасқан даңғыл. Даңғыл — шығыстан батысқа қарай, Достық даңғылынан Момышұлы көшесіне дейінгі аралықта созылып жатқан қаланың басты магистральдарының бірі.

Даңғыл екі бағытты жол болып есептеледі, екі бағыттың ортасын ағаш, гүл, газон көмкерген алаңқай бөліп жатыр. Даңғылдың ұзындығы - 9400 метр.

Абай даңғылы бойында республикадағы ең ірі кітапхана — Қазақстан Республикасының ұлттық кітапханасы орналасқан.[1]

Атауы[өңдеу | қайнарын өңдеу]

Даңғылға қазақтың ұлы ақыны, философ, қазақ жазба әдебиетінің негізін салушы Абай Құнанбайұлының есімі берілген[2]. Бұрынғы атаулары: Арычная көшесі, Мичурин көшесі.

Қиылысатын көшелері[өңдеу | қайнарын өңдеу]

Даңғыл бойында[өңдеу | қайнарын өңдеу]

  1. Республика сарайы (1970 жылы Сәулетшілер: В.Ю.Алле, В.Н.Ким, Ю.Г.Ратушный, Н.И.Рипинский, Л.Л.Ухоботов);
  2. Балуан Шолақ атындағы спорт сарайы - (1966 жылы Сәулетшілер: В.Кацев, О.Наумова);
  3. Орталық стадион - (1955-1967 жылдары, сәулетшілер: А.Қ.Қапанов, А.Я.Косов);
  4. Неке сарайы. (1971 жылы Сәулетшілер: A.Леппик, М.Меңдіқұлов);
  5. Ю.Лермонтов атындағы орыс драма театры (1969 жылы Сәулетшілер: B,П.Давыденко, Г.П.Горлышков);
  6. Қазақ мемлекеттік циркі (1972 жылы Сәулетші: В.З.Кацев);
  7. М.О.Әуезов атындағы қазақ драма театры (1980 жылы Сәулетшілер: О.Ж.Баймырзаев, М.Ф.Жақсылықов, А.С.Қайнарбаев) орналасқан.

Оқу орындар[өңдеу | қайнарын өңдеу]

  1. ҚМЭБИ (КИМЭП) - Қазақстан менеджмент, экономика және болжау институты. (1978 жылы Сәулетшілер: Б.Воронин, Ким-Досен, Д.Мельников);
  2. Қазақ Аграрлық университеті (1934 жылы Сәулетші: В.Бирюкова),
  3. Халықаралық бизнес академиясы,
  4. Қазақ спорт және туризм академиясы,
  5. С.Асфендияров атындағы Қазақ мемлекеттік медицина институты.

Ескерткіштер[өңдеу | қайнарын өңдеу]

  1. Абай ескерткіші (Мүсіншісі: Хакімжан Исмаханұлы Наурызбаев, 1960 жыл),
  2. Мұқан Төлебаев ескерткіші,
  3. Мұхтар Әуезов ескерткіші. (Мүсіншісы: Ескен Аманжолұлы Сіргебаев, 1980 жыл).
  4. Спортшы қыз бен жігіттің ескерткіші (1967 жылы)[1]

Дереккөздер[өңдеу | қайнарын өңдеу]

  1. a b Алматы көшелері. Анықтамалық энциклопедия. – Алматы: «ИП Волошин» баспасы, 2009. ISBN 978-601-7157-18-0
  2. Алматы атқару комитетінің 23.02.1955 жылы №8 шешімі бойынша