Көк Ніл

Уикипедия — ашық энциклопедиясынан алынған мәлімет
(Аббай бетінен бағытталды)
Навигацияға өту Іздеуге өту
Бахр-Дар қаласының маңы, Эфиопия (2018 ж.).

Көк Ніл, Көгілдір Ніл (араб.: النيل الأزرق‎) — Африка құрлығындағы Ніл өзенінің ірі саласының бірі. Ұзндығы 1600 км, су жиналатын алабы 330 мың км². Бастауын Шығыс Африкадағы Чоке тауынан алып, Тана атты тектоникалық көлге дейін Кіші Аббай, одан шыққаннан кейін Аббай аталады.

Эфиопия таулы қыратын ирелектеп кесіп өтіп, солтүстікке қарай бағыт алады. Өзен Судан аумағында, Хартум қаласы маңында Ніл өзеніне құяды. Басты салалары — Рахад және Диндер.

Көк Ніл Ақ Ніл өзеніне қарағанда анағұрлым қысқа, бірақ, өзеннің Нілді сумен толықтырудағы маңызы зор. Эфиопия таулы қыратында жазда жауатын жаңбырдан кейін суының деңгейі көтеріледі. Орташа су ағымы жыл ішінде 127 м3/с-тан 5822 м3/с-қа дейін өзгереді.

Өзенге 2 СЭС салынған. Сағасынан 580 км-ге дейін кеме жүзеді.[1]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9