Абиоталық орта жағдайлары

Абиоталық орта жағдайлары (Абиотические условия среды) — организмге әсер ететін бейорганикалық орта жағдайларының жиынтығы. А.о.ж. химиялық және физикалық факторларға бөлінеді. Химиялық А.о.ж-на атмосфералық ауа құрамы, ондағы әр түрлі қосындылар, теңіз және тұщы су, су түбіндегі шөгінділер, грунт, топырақ жатады. Ал ауа, су температурасы, барометрлік қысым, басымырақ соғатын жел, су ағыны, Жердің беткі бөлігін Күн радиациясының сөулелендіруі (инсоляция), радиациялық ая және т.б. физикалық факторлар болып саналады.