Авизо

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Авизо (итал. avviso) — бір банктің екінші банкке ақша аударғандығын, басқада да есеп айырысқандығын немесе банктің клиентіне аккредитив ашқанын, вексель ұсынғанын, сондай-ақ клиент есебіне ақша түскенін немесе шарт бойынша белгілі бір міндеттеме алған кәсіпорындар арасындағы өзара есеп айырысуда болған өзгерістер туралы хабарлайтын құжат. АВИЗО жіберудің тәртібі мен әдісі банктердің өзара келісім шарты арқылы белгіленеді.[1]

Қолданылуы[өңдеу]

Авизо операцияның нөмірі, жазылған күні, жүргізілетін операцияның сипаты, операцияның сомасы, негіздемесі, есеп айырысуға қатысатын заңды тұлғалардың атауы, олардың мекен-жайы көрсетілетін арнайы бланкте толтырылады. Авизоны банктер кез клиенттерін олардың есептеріндегі ақша сомаларының қозғалысы, аккредитивтердің ашылуы, шығарылған аудармалы вексельдер мен чектер, өнім берушілердің тауарларды немесе ақша сомасын жөнелтуі туралы хабардар ету үшін қолданылады. Авизо былай айырмаланады: дебеттік -ұйымның қайсыбір тұлғаға жіберген құжаты, онда тұлғаның ұйымға құжатта көрсетілген сомаға қарыздар екені керсетіледі және несиелік-баиктің клиентті оның есебіндегі несиелік төлем тапсырыстарының көшірмелері, өзге бухгалгерлік және банктік құжаттар авизо ретінде жүруі мүмкін.[2]

Пайдаланған әдебиет[өңдеу]

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
  2. Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы - Алматы: Экономика, 2006. ISBN 9965-783-20-9