Агроном

Агроном (гр. "агрос" – егістік; "номос" – заң) – ауыл шаруашылығы өсімдіктерін өсіру саласындағы жан-жақты білімі бар егін шаруашылығы саласындағы маман. Ұзақ уақыт бойы бұл тек қана ауыл шаруашылығына қатысты мамандық болып саналды. Алайды, қазіргі кезде агроном жан-жақты білімге ие, кәсіби дағдыларды жақсы меңгерген маман болуы тиіс. Сонымен қатар, агроном – шаруашылықтың негізгі саласы – егіншіліктің технологиясын және онда қолданылатын техникасын жақсы білетін, сол жердің табиғи-экономикалық жағдайына жетік адам.

Агрономның кәсіби дағдылары

• Топырақ түрлерін жете білу дағдысы;
• Мәдени өсімдіктердің өсу және даму ерекшеліктерін білу;
• Жаратылыстану ғылымдары саласын терең игеру;
• Ауыл шаруашылығы техникасының жұмыс қағидаларын түсіну;
• Зертханалық зерттеулер негізін білу;

Дереккөздер

• “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998