Ажырық

Ажырық^[1](Aeluropus) — астық тұқымдасына жататын көп жылдық өсімдіктер туысы. Республикамыздың барлық сортаң және шөлді өңірлерінде өседі, тұзға өте төзімді келеді.

Қазақстанда сортаңдық ажырық және жатаған ажырық деп аталатын 2 түрі кездеседі. Сортаңдық ажырықтың (ажырық lіtoralіs) биікт. 20-60 см, сабағы көлбеу не көтеріле өседі.
Бұтақтары бұдырлы, жапырағы жалпақтау, түкті келеді. Көп гүлді масақтары сатылана орналасқан, ұзындығы 3-5 мм болады.
Жатаған ажырықтың (Ажырық repens) биіктігі 7-30 см, жапырақтары түкті, гүл сыпыртқысы тығыз, шоғырлана орналасқан, ұзындығы 2-2,5 см келеді.
Ажырық — ең маңызды мал азығы. Өскен жерінің құнарлылығына байланысты бір га алқаптан 2-40 ц шөп жиналады. Оның гүлінің құрамында: протеин, белок, май, азотсыз активті заттар көптеп кездеседі. Ажырықтыты арнайы да өсіреді.