Азия-Тынық мұхиты хабар тарату одағы
Азия-Тынық мұхиты хабар тарату одағы (ABU) - ең ірі де ықпалды халықаралық медиаұйым, көлемі жөнінен әлемдегі хабар таратушы сегіз одақтың ішінде үшінші орында. Оған АзияТынық мұхит өңірінің 52 елінен 102 жетекші телерадио хабарларын таратушы компаниялар мүше. ABU телерадио хабарларын таратуды жетілдіру және оның мүшелері арасында ынтымақтастықты дамыту мақсатында 1984 жылы кұрылған. 1998 жылы "Хабар" агенттігі хабар тарату одағының толық құқылы мүшесі болды, ал 2003 жылы ABU-ның басшылық органы құрамына әкімшілік құрамына енді. "Хабар" агенттігі ұйымдастырған ABU-ның 41-ші Бас ассамблеясы 2004 жылы қыркүйегінде Алматыда өтті. Оның жұмысына ірі-ірі азиялық және халықаралық электрондық БАҚ-тың 350-ден астам басшысы мен жетекші мамандары, соның ішінде NHK (Жапония), KBS (Корея), ABC (Австралия) өкілдері де катысты. [1].
Дереккөздер[өңдеу | қайнарын өңдеу]
- ↑ Қазақ телевизиясы. Энциклопедия. — Алматы: “ҚазАқпарат”,2009, 1-т. — 640 б. ISBN 978-601-03-0070-5
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|