Айдын Маратұлы Нұрбеков

Айдын Маратұлы Нұрбеков 1974 жылы 18 ақпанда Өскемен қаласында туған. Қазақ. Әкесі - Нұрбеков Марат (1942 жылы туған), ҚР Жоғарғы соты жанындағы Судьялық қазылар алқасының мүшесі. Анасы - Нұрбекова Мәнсия Бөкенқызы (1947 жылы туған), зейнеткер. Әл-Фараби атындағы Қазақ ұлттық университетінің заң факультетін бітірген (1996), заңгер. Қазақ, орыс және ағылшын тілдерін біледі. 1995 жылдан - Алматы қалалық сотының кеңесшісі, жетекші кеңесшісі. 1996 жылдан - Талдықорған гарнизонының әскери соты төрағасының көмекшісі, ҚР Әділет министрлігінің әскери соттар басқармасының инспекторы - кеңесшісі. 1997 жылдан - ҚР әскери сот терағасының кемекшісі. 2000 жылдан - Алматы қаласы Әуезов аудандық сотының судьясы. 2004 жылдан - Алматы қалалық сотының судьясы. 2007 жылдың қаңтар айынан - ҚР әскери сотының қылмыстық істер жөніндегі алқасының төрағасы. 2010 жылдың ақпан айынан бері - ҚР Әскери сотының кассациялық сот алқасының төрағасы.

• Үйленген. Жұбайы - Нұрбекова Гүлайым (1976 жылы туған).
• Ұлдары - Айтмұхаммед (1999 жылы туған), Дінмұхаммед (2001 жылы туған), Дархан (2008 жылы туған); қызы - Әлима (2005 жылы туған).