Алатөбе мұнай кен орны
| Алатөбе мұнай кен орны | |
| 43°42′01″ с. е. 51°51′21″ ш. б. / 43.7003959° с. е. 51.8558121° ш. б. (G) (O) (Я)Координаттар: 43°42′01″ с. е. 51°51′21″ ш. б. / 43.7003959° с. е. 51.8558121° ш. б. (G) (O) (Я) | |
| Ел |  Қазақстан |
| Аймақ | Маңғыстау облысы |
| Ашылған уақыты | 1977 жыл |
| Жер қойнауын пайдаланушы | Маңғыстаумұнайгаз |
Алатөбе мұнай кен орны — Маңғыстау облысы Ақтау қаласынан солтүстік-шығысқа қарай 33 км жерде орналасқан кен орны. Мұнайлы құрылым 1977 жылы анықталған. Барлау жұмыстары 1980–1982 жылдары жүргізілген.
Геологиялық құрылымы, сипаты[өңдеу | қайнарын өңдеу]
Құрылым жартылай күмбез тәрізді көтерілімде орналасқан және солтүстік-батыс бағытында тектоникалық жарылыммен шектелген. Мұнай кені тереңдігі 3875 м-дегі тектоникалық жарықтарға жанасқан орта триас кезеңінің карбонатты тау жыныстарында шоғырланған. Мұнайлы қабаттың жалпы қалыңдығы 60 м, тиімді қалыңдығы 17,8 м; ашық кеуектер 17%, өткізгіштігі 0,74 мкм2, мұнай сіңірімділік коэффиценті 0,74. Бастапқы қабат қысымы 52,5 МПа. Ұңғыманың тәуліктік өнімділігі 180 м3.
Құрамы[өңдеу | қайнарын өңдеу]
Мұнайы жеңіл (0,844 г/см3), парафин мөлшері 9,3%. Мұнайдың 300°С-қа дейінгі фракция шығымы 41%. Барланған геологиялық қоры бойынша Алатөбе мұнай кені орташа кен орны болып есептеледі.[1][2]
Дереккөздер[өңдеу | қайнарын өңдеу]
- ↑ Маңғыстау энциклопедиясы, Алматы, 1997;
- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. SBN 9965-9765-1-1