Алаша (ру)

Алаша — қазақ халқын құраған рулардың бірі. Кіші жүз Байұлы тайпасына кіреді.

Байұлының бір руы - Алшыннан Алашаға дейін алты ата саналады: Алтыбас, Тоқбас, Сары, Құблай, Барамық, Қоңырбөрік.

Алшынмен қатар Байұлынан тарайтын өзге аталар: Қызылқұрт, Масқар, Байбақты, Тана, Алтын, Жаппас.

19 ғасырда жасаған атақты Байтоқ жырау (Алаша Байтоқ) Алаша руынан болған.

Алаша көп ел, екі салаға таралып отырған. Бір тобы Жайықтың орта шенінің шығыс жағынан беттеп, Қалдығайты, Жақсыбай өзендерінің бойын, Тұздыкөл, Қоскөл, Итмұрын көлдерінің төңірегін мекендейді, содан Ойыл, Қиыл өзендеріне дейін барады.

Жайық бойында Байұлы Байбақты руымен аралас отырады. Енді бір тобы Жайықтың оң жағын ала, Қамыссамар көлінің төңірегін, Кіші өзеннің бас жағынан Нарын құмға дейін қоныстайды.

Алашаның ұраны - Байбарақ. Таңбасы - айбалта.

Белгілі адамдар

• Құрманғалиев Ғарифолла - Қазақстан халық артисі
• Ғұмаров Сәкен - суретші
• Аман Бақтығалиев - суретші. КССРО, ҚазССР, Қазақстан Республикасы суретшілер одағының мүшесі, ҚазССР және Қазақстан Республикасы суретшілер одағының бас хатшысы.
• Нәжімеденов Жұмекен - ақын, Қазақстан әнұранының авторы
• Сибағат Мәкәрімұлы - Бөкей ордасындағы діни ағартушы.
• Ерік Сәлімұлы Құрманғалиев
• Қали Жантілеуов
• Данияр Маратұлы Елеусінов
• Бостан Шәмішұлы Сүлейменов
• Еркін Шәмішұлы Сүлейменов