Алексей Викторович Щусев

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Щусев Алексей Викторович (8.10.1873, Кишинев қаласы – 24.5.1949, Мәскеу қаласы) – архитектор, КСРО-ның еңбек сіңірген архитекторы (1930), Петербург Көркемсурет академиясының (1910) және КСРО ҒА-ның (1943) академигі 1891 – 97 жылдары Санкт-Петербургтің Көркемсурет академиясында (Л.Н. Бенуа мен И.Е. Репиннен) оқыған.

Овруч. Василий шіркеуі
  • 1897 – 98 ж. Италия, Тунис, Англия мен Францияны аралап, Париж қаласындағы Жюлиан академиясында суреттен дәріс алды. “Жаңа Мәскеу” жобасының бас архитекторы (1918 – 25),
  • Мәскеу архитекторлары қоғамының төрағасы (1922 – 29),
  • Третьяков галереясының директоры (1926 – 29),
  • Мәскеу қаласындағы орыс архитектурасы мұражайын ұйымдастырушы әрі директоры (1946 – 49) болды. Щусевтің шығарм.
  • 1920 – 50 жылы нағыз кемелдену сатысына көтеріліп, қала салу ісіне елеулі еңбек сіңірді.

Еңбектері[өңдеу]

Сурет:Lenins Mausoleum.jpg
Қызыл алаңдағы Ленина мазары
Сурет:Moscow, Narkomzem by Alexey Shchusev.jpg
Наркомзем ғимараты

Басты еңбектері: Мәскеу қаласындағы Қазан вокзалы (1914 – 26; 1941), В.И. Ленин мавзолейі (1924 – 30), бұрынғы Наркомзем ғимараты (1928 – 33), “Мәскеу” қонақ үйі (1932 – 35, басқа архитекторлармен бірге); сондай-ақ Тбилиси қаласындағы бұрынғы партия тарихы институтын (1933 – 38), Батуми (1934 – 38), Баку (“Интурист”, 1937 – 38) мен Кишинев (1949) қаласындағы қонақ үйлерді, Ташкент қаласындағы Үлкен опера және балет театрын (1938 – 47), Алматы қаласындағы ҚР ҰҒА ғимаратын (1947, басқа архитекторлармен бірге) салу ісінде ұлттық сәулет өнері ырғақтарын ұтымды қолданды. Ол архитектура мәселелері туралы 200-ден астам мақалалар жазды. ВХУТЕМАС (1914 – 24) пен Мәскеу архитектура институтында (1948 – 49) ұстаздық етті. КСРО Мемлекеттік сыйлығының лауреаты (1941, 1946, 1948; 1952, қайтыс болғаннан кейін). Көптеген орден, медальдармен марапатталған.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8