Алексей Петрович Пшеничный

Алексей Петрович Пшеничный (25 қыркүйек 1904 жыл Саратов облысы, Краснокутск ауданы, Воскресенка ауылы - ? ) - қазақстандық ғалым-зоотехник. Саратов ауыл шарушалығы институтын бітіріп, осы облыстың қой совхозында зоотехник болды. 1931 жылдан Қазақтың мал өсіру ғылым-зерттеу институтында ғылыми қызметкер, 1942-1948 ж. Алматы облысы, "Луч Востока", Мичурин атындағы колхозында зоотехник болды, 1948 ж. Қазақтың мал өсіру ғылым зерттеу институтында ғылыми қызметкер.

Алексей Пшеничный 30-дан астам ғылыми еңбектің авторы. Қазақтың биязы жүнді қойын шығаруда селекциялық жұмысқа қатысқаны үшін КСРО мемлекеттік сыйлығының лауреаты атағы берілді. Еңбек Қызыл Ту, "Құрмет белгісі" ордендермен және медальдармен марапатталды.