Алла Сергеевна Демидова

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Алла Сергеевна Демидова (29 қыркүйек 1936, Мәскеу) — Таганкадағы театрда кеңінен танымал болған және отандық өнердің тарихына "ең маңызды және стильді орыс актрисаларының бірі" деген атпен тарихқа енген кеңестік және ресейлік кино және театр актрисасы, РСФСР халық әртісі (1984)

Биографиясы[өңдеу]

Алла Демидова 1936 жылы 29 қыркүйекте Мәскеу қаласында дүниеге келген. Әкесі Сергей Алексеевич Демидов алтын өндіретін кәсіпкерлер отбасынан шыққан, 1932 жылы репрессияға ұшырайды, бірақ көп кешікпей бостандыққа шығады. Бірнеше жыл өткеннен кейін С.А. Демидов өз еркімен майданға аттанып, 1944 жылы Варшаваны алу кезінде қаза табады. Қызында әкесі туралы естелік өте аз сақталған: «... Әкем фронттан демалыс алып үйге келгенде екеуміз тауға барып сырғанақ тептік. Мен оның артында аяғына жабысып алып отырғаным есімде...» «... Әкемді сүйіспеншілікпен еске алатындай, менің балалық шағымда ол туралы естелік өте аз сақталған...», - деп жазады.

Демидова соғыс кезінде Владимирдегі әжесінің қолында болады. Соғыс аяқталған соң оны анасы Александра Дмитриевна Демидова (қыз кезіндегі тегі - Харченко) тәрбиелейді. Ол МГУ-дің экономика факультетінде кибернетика және экономикалық бағдарламалау мамандығы бойынша кіші ғылыми қызметкер болып жұмыс істейді.

Алла Демидова 5 жасар кезінде болашағы туралы берген үлкендердің сұрақтарына «ұлы актриса» боламын деп жауап беретін. Мектеп театрында оған әйелдердің рөлін ойнауды ұсынбайды. Бірақ ол «Гроза» атты шығармадан Катеринаның монологы мен «Анна Каренинадан» үзінді оқып өз бетінше дайындалады.

Кәсіби мансабының басы[өңдеу]

Демидова 3-курсында МГУ-дің Студенттер театрының актрисасы болады. Алғашында – И.К. Липскийдің жетекшілігімен қойылған «Коварство и любовь» атты қойылымда қызметші қыздың рөлін сомдайды. 1958 жылы театрға жетекшілік етуге ТЮЗ-дің жас актері Ролан Быков келеді. Демидованың алғашқы маңызды сахналық жұмысы үлкен табыс алып келген «Такая любовь» атты қойылымдағы Лида Петрусованың рөлі болды. Қойылым 1958 жылы Р. Быковтың жетекшілігімен П. Когоуттың пьесасы бойынша И. Саввина, В. Шестаков және З. Филлердің қатысуымен қойылады. Бұл қойылым барлық қатысушыларға да табысты болады, Демидованың айтуы бойынша «қойылымға барлық Мәскеу келді». Сонымен қатар актриса үшін бұл рөл шығармашылық жолындағы ең маңыздыларының бірі болды.


Қараңыз[өңдеу]

Ортаққорда бұған қатысты медиа санаты бар: Alla Demidova


Сілтемелер[өңдеу]


Дереккөздер[өңдеу]