Амнезия

Қазақша Уикипедияның мағлұматы

Амнезия Таптастыруы және сыртқы қайнарлар
ICD-10	R41.3
ICD-9	780.9, 780.93
MeSH	D000647

Амнезия (юнанша Ἀμνησία – ұмытшақтық, есінен айрылу) еске түсіру және есте сақтау қабілетінің жоғалуы нәтижесінде адам жадының нашарлауы немесе жойылуы. Амнезия үдемелі амнезия, бекімелі амнезия, ретроградтық амнезия және антероградтық амнезия болып бөлінеді.

• Үдемелі амнезияға шалдыққан адам көргенін тез ұмытып қалады. Бірте-бірте алдында болған жағдайларды да ұмытып, зердесінен біржолата шығарады. Мұндай сырқат ессіз күй, терең ұйқыға кету (сопор), паталогиялық маскүнемдік маскүнемдік салдарынан болады.
• Бекімелі амнезияға ұшыраған адам жаңалықтарды сол бойда қабылдай алмайды. Бірақ бұрынғы және кейінгі зердесі сақталады. Ол, көбінесе, Корсаков психозы, иіс газымен улану, бастан жарақаттану салдарынан болады.
• Ретрогадтық амнезия психикалық ауру кезінде пайда болады. Онда адам не істегенін ұмытып қалады.
• Ал антеретроградтық амнезияға шалдыққан адам аурудан кейінгі жағдайды ұмытады.

Амнезияның соңғы екі түрі көбінесе қабаттаса жүреді.