Анаглифия

Анаглиф (от грек. anáglyphos — бедерлі) - стереоскоп эффектісін алудың әдісі.

Әр түске боялып кодталған, ортақ экранға проекцияланған стереоскоптық жұптың фотосуреттерін, сол фотосуреттердің түсіне сәйкес түске боялған әйнегі бар көзілдірікпен қарау арқылы стереоскоптық эффект алынады.

Бір жердің стереомоделін жасау үшін 2 суреттен тұратын стереожұптан(кеңістіктегі 2 нүңтеден түсірілген бір жердің фотосуреті) диапозитивтер дайындалынып, олар толықтырғыш түс беретін жарық фильтрлерінен өткізіледі де, ортақ экранға түсіріледі. Бұл кескінді әйнегінің түсі жарық фильтрлерінің түсіне сәйкес көзілдірікпен қарағанда, әр көз өзіне кигізілген көзілдірік түсіне сәйкес түсті көретіндіктен , суреттің бедерлі кескіні байқалады яғни стереоэффект алынады. Бірін-бірі толықтыратынтүске екі түсті қабаттастырғанда , ақ түс беретін: қызыл және көк жасыл, қызғылт сары және жасылдау көк, сары және көк, сары жасыл және күлгін, жасыл және күрең қызыл т.б. түстер жатады.

Көзілдіріктің шынылары көбінесе қызыл және көк жасыл түстерге боялады.