Аптечка

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Sac-de-rea-milouf-img 1004.jpg

Аптечка, үйаптечкасы . Әрбір семьяда көлденең зардап шеккен не кенеттен ауырып қалған адамға алғашқы көмек көрсету үшін үй аптечкасы болуы керек; оны дайын күйінде сатып алуға немесе семья мүшелерінің жас мөлшері мен денсаулық жағдайын ескере отырып, өзіңіз құрастырып алуыңызға болады. Үй аптечкасының дайын комплектісі мынау: ащы тұз, ацетилсалицил қышқылы (аспирин), кальцекс, ас содасы, жөтел таблеткасы, қыша қағаздар, валериана тұнбасы, борлы вазелин, мырыш майы, спиртті йод ерітіндісі, марганец қышқылды калий, мүсәтір спирті, бинт, компресс қағазы, мақта, таңғыш пакет, лейкопластырь, термометр, көзге дәрі тамызатын түтік Үй аптечкасындағы дәрілерді ұқыпты сақтау қажет. Аптечкада аты белгісіз дәрілерді ұстауға болмайды: әрбір шыны сауыт немесе қорапша ішіндегі дәрінің аты жазулы болуы тиіс. Ішетін дәрілерді жаратын дәрілерден бөлек қойған жөн. Дәрілердің қай түрін болмасын құрғақ, салқын әрі қараңғы, балалардың қолы жетпейтіндей жерде сақтаған дұрыс. Кейбір дәрілердің этикеткасында оларды сақтау тәртібі көрсетіледі, бұл қатаң орындалуға тиіс. Дәріні пайдаланбас бұрын оның дайындалған күніне және жарамдылық мерзіміне назар аударған жөн. Ұзақ уақыт сақталған дәрілерді пайдалануға болмайды, бұл әсіресе сұйық дәрілерге (микстура, экстракт, т. б.) қатысты. Түр-түсі өзгерген — тұнбасы шөккен, үлпек пайда болған дәрілер де пайдалануға жарамайды. Аптечкаға қоса үнде сырқат адамның күтіміне қажетті мынадай негізгі заттар: грелка, мұз салатын шыны, клизмаға арналған кружка, түтіктер, медициналық банкалар, резеңке орам көгілдір шамы бар рефлектор, көз жууға қажетті кішкене стакан болуы керек. Емшектегі баланы күткен кезде ана мен баланың дайын аптечкасын пайдаланған қолайлы.[1]

Аптечка - алғашқы көмек жұмыстары үшін материалдар жинағы және құралдары.[2]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9
  2. Орысша-қазақша түсіндірме жалпы сөздік: Көлік / профессор Е. Арын — Павлодар : «ЭКО» ҒӨФ. 2006.