Ас үй жиһазы

Асүй жиһазы—тұрақты және жылжымалы болып бөлінеді. Жылжымалы жиһаз құрамына тамақ ішетін үстел, орындықтар, қосымша шағын шкафтар қосылады. Асүйдің тұрақты жиһазы еденге қойылатын, ыдыс жуатын, қабырғаға ілінетін, шкафтардан тұрады. Тұрақты жиһаз жиынтығына сондай-ақ, плита, ыдыс жуғыш, тоңазытқыш, ауа тазартқыш, электр шамы, сағат, таймер енеді. Еденге қойылатын шкафтар қолданылуына және құрылысына қарай шкаф үстел, ыдыс жуатын шкаф, тоңазытқыш астына қойылатын шкаф, шаруашылық шкаф, колонкалы шкафтар деп бөлінеді. Қабырғаға ілінетін шкафтарға ыдыс аяқ және азық-түлік шкафы, ыдыс кептіретін және сирек пайдаланылатын заттар сақталатын антресоль шкафы жатады.