Асархаддон

Асархаддон (ассирияша Ашшурахиддин, т.-ө.ж.б.) — Ассирия патшасы (б.з.б. 680 — 690). Саргон әулетінен шыққан. Саяси бүлік кезінде таққа отырған. А. әкесі Синахериб талқандаған Вавилон қ. мен оның ғибадатханаларын жаңғыртып, Ассирияның басты қ-ларының бұрынғы саудагершілік пен салық төлеудегі артықшылықтарын қалпына келтірді. Мемл-ке қауіп төндірген киммериялықтар мен көшпелі халдей тайпаларының шабуылын тойтарыс беру үшін солт-тегі сақтардың (скифтердің) көсеміне кенже қызын беріп, құдандалық одақ құрды. А. тұсында Ассирия Арабия, Финикия, Мысыр елдерімен соғыста елеулі жеңістерге жетті. Олар Ассирияға қыруар салық төлеп тұрды, Мысырдың ассирияша ат қойылған 20 қаласының көбісін ассириялық әкімдер басқарды. А. көзі тірісінде өзінің тағына мұрагерлікке кенже ұлы Ашшурбанипалды тағайындады.