Астрахан облысы
.svg)
Астрахан облысы — Ресей Федерациясының оңт.-шығысындағы Каспий маңы ойпатында орналасқан әкімш. облыс. Батысы қалмақ (Хальмг-Тангч) Республикасымен, солт.-батысы және солтүстігі Волгоград обл-мен, шығысы Қазақстан Республикасының Атырау және Батыс Қазақстан обл-тарымен шектеседі. Жерінің аум. 44,1 мың км2, тұрғыны 1006,6 мың адам (1991). Облыс әкімшілік жағынан 10 ауданға бөлінеді. 5 қала 14 кент бар. Әкімші. орталығы — Астрахан қ. (512,0 мың, 1992). Облыстың жер бедері тегіс және көп бөлігі теңіз деңгейінен төмен (2,7 м-ден — 27,5 м-ге дейін) жатыр. Жер бедеріне Каспий маңы ойпатының тұзды күмбездер көтерілімі тән. А. о-ның ең биік жері Боғда тауы (150 м). Климаты катаң континенттік, құрғақ болып келеді. Орташа темп-ра қаңтарда — 9,70-6,90С, шілдеде 250С шамасында. Жауын-шашынның орташа мөлш. 200 мм. Аумағынан ағатын ең ірі өзен — Еділ. Өзен төменгі ағысында тармақталып кетеді. Тармақтарының ең ірілері: Ахтуба (Ақтөбе), Бақтемір, Бола, Бұзан. Облыс аумағында тұзды көлдер көп. Ең ірілері: Басқұншақ, Бас, Искрянин т.б. Тұщы көлдер (ильмендер) Еділдің жайылмасы мен атырауында кездеседі. А. о-н шөлейт белдем алып жатыр. Топырағы ашық қызыл қоңыр және сортаңды топырақтан шөл даланың сұр топырағына дейін дейін өзгереді. Өзен жайылмаларында аллювийлі топырақ басым. Онда шалғындық шөптесін өсімдіктер, өзен аңғарларында тоғайлар мен бұталар, қамыс, құрақ өседі. Өзендегі 50-дей балық түрінің 30-ының кәсіптік маңызы бар. Тұрғындарының негізін орыстар құрайды (77(). А.о.-нда қазақтар да жиі қоныстанған. Олар облыс тұрғындарының 10(-тен астамын құрайды. Тығызд. 1 км2-ге 23 адамнан келеді. Қалаларда тұрғындардың 70(-ке жуығы тұрады. Ірі қалалары: Астрахан, Ахтуба (Ақтөбе), Хабарали. А. о-нда тамақ жасау (балық, ет, тұздықтар), машина жасау (кеме), химия, газ өндіру және өңдеу, ағаш өңдеу, целлюлоза-қағаз өнеркәсіптері, сондай-ақ астық, көкөніс, етті-жүнді қой ш. мен етті-сүтті ірі қара мал ш. дамыған. Басқұншақ кенінен ас тұзын өндіреді.
 |
Ортаққорда бұған қатысты таспалар бар: Category:Astrakhan Oblast
|
