Астрономиялық навигация

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Астрономиялық навигация немесе Астротүзету - космостық ұшу аппараты гиростабилизацияланған платформасының бұрыштық жағдайын жұлдыз, т.б. аспан денелерінің орнын анықтайтын астроқұрылғы сигналдары бойынша түзету[1].

Көкжиек деңгейінен Күннің көтерілуін анықтау үшін секстантты қолдануы

Ұзақ уақыт жұмыс істеу салдарынан платформаның бұрыштық жағдайы бұзылған кезде, Астрономиялық навигация қолданылады. Мұнда ғарыштық ұшу аппаратының Күн жүйесіндегі бір денемен (Күнмен, ғаламшарлармен, ғаламшар серіктерімен) жалғасатын сызықтар аралығындағы бұрышы немесе осы сызықтың белгілі бір "қозғалмайтын" жұлдыз бағытымен жасайтын бұрышы өлшенеді. Сөйтіп ғарыштық ұшу аппаратының Күн жүйесіндегі орны анықталады.

Астрономиялық навигациялау жүйесінің сезгіш элементтері қызметін астроқұрылғылар, күн құрылғылар атқарады. Жанынан спутник өтіп бара жатқан ғаламшар жиегінен жұлдыздың көріну мезетін анықтау арқылы бұрыш өлшеу әдісі де Астрономиялық навигация түріне жатады.

Дереккөздер[өңдеу]

  1. Қазақ Совет энциклопедиясы/Бас редакторы М.Қ.Қаратаев - Алматы, 1972, 1 том