Ауру

Қазақша Уикипедияның мағлұматы

Ауру, дерт, медицинада – адамның қалыпты денсаулығының бұзылуы. Ауру көпшілік жағдайларда қоршаған ортаның әсерлеріне, сондай-ақ ағзаның ішкі жағдайлары мен тұқым қуалау белгілеріне байланысты болады. Аурудың пайда болу себептерін зерттейтін ілімді этиология деп атайды. Аурулар пайда болу себептеріне қарай туа біткен ауру және жүре пайда болатын ауру болап бөлінеді:

• Туа біткен ауру тұқым қуалаудан немесе баланың пайда болған кезеңіндегі әр-түрлі кінәраттардан (паталогиядан) дамиды;
• Жүре пайда болған ауру жұқпалы (індет) және жұқпалы емес болап бөлінеді.

Аурудың өтуі алғашқы, айқындалу және аяқталу кезеңінен тұрады. Аурудың алғашқы кезеңінің жасырын және басталу басталу сатылары болады. Жасырын сатысында аурудың ешқандай белгілері байқалмайды. Кейін қосымша белгілер (әлсіздік, бейжайлық, ұйқы бұзылуы, тәбеттің болмауы, бас ауруы, т.б.) біліне бастайды. Айқындалу кезеңінде аурудың клиникалық белгілері (симптомдары) айқын білінеді. Аурудың аяқталу кезеңінде науқас адам толығынан ауығады немесе жартылай сауығады. Кейде ол созылмалы түрге ауысады немесе қазаға душар етеді. Көптеген аурудан алдын ала сақтануға болады. Ол үшін салауатты өмір салтын сақтаудың маңызы зор.