Ағадыр

Ағадыр, кент, Шет ауданындағы Ақадыр кентінің орталығы. Екатеринбург – Алматы теміржолының бойында, Шет ауданының орталығы Ақсу-Аюлының батысында 100 км, Қарағанды қаласының оңтүстігінде 220 км жерде орналасқан. Іргесі өткен ғасырдың 30 жылдары Қарағанды-Мойынты теміржол құрылысының бойында Ақадыр стансасының ашылуына байланысты қаланған. Халқы 11666 (2006). Ұлттық құрамы: 83 пайызы қазақ, 17 пайызын өзге ұлт өкілдері құрайды. Кентте 1937 жылдан бастап паравоз депосы ашылып, ол 1957 жылы тепловоздары, ал 1982 жылдан бүгінгі күндері электровозды жөндейтін ірі кәсіпорын болып есептеледі. 73-97 ж.ж. Ақадыр ауданының орталығы. 1997 жылы Ақадыр ауданы жабылып, Шет ауданының құрамына берілген. Кенттің әкімшілік аумақтық бағынысындағы елді мекендерде (Ақадыр кенті мен Подхоз ауылы, тағылы, № 906 разъезддері) 4 мектеп, аудандық емхана, ФАП, 4 отбасылық дәрігерлік амбулатория, мәдениет үйі, кітапхана, балалардың өнер мектебі, балалардың өнер мектебі, балалар мен жасөспірімдер спорт мектебі, оқу-өндірістік комбинаты, балабақша, «Казақтелеком» бөлімшесі, «Қазпошта» бөлімшесі, басқа да мәдени-тұрмыстық мекемелер бар. Сонымен қатар «Қазақстан темір жолдары» жүйесіне қарасты «Ақадыр электр жабдықтау» (ЭЧ-12), темір жол дистанциясы (ПЧ-26), белгі беру және байланыс дистанциясы (ПЦЧ-21) мекемелері бар. Кент аумағында теміржол жүйесіне қарасты барлығы 14 мекеме, ұжымдар жұмыс атқарады. 46 шаруа қожалығы бар (2006). Аудандық статусы бар №2 Ақадыр аудандық соты, №2 аудандық АХАЖ, кенттік полиция бөлімшесі бар. Кент басқа елді мекендермен автомобиль жолдары арқылы байланысады.^[1]