Ақсу-Кендірлі газ кен орны
| Ақсу-Кендірлі газ кен орны | |
| 42°37′06″ с. е. 52°45′10″ ш. б. / 42.61833° с. е. 52.75278° ш. б. (G) (O) (Я)Координаттар: 42°37′06″ с. е. 52°45′10″ ш. б. / 42.61833° с. е. 52.75278° ш. б. (G) (O) (Я) | |
| Ел |  Қазақстан |
| Аймақ | Маңғыстау облысы |
| Статусы | Тақтатылған |
| Ашылған уақыты | 1972 жыл |
| Жабылған уақыты | 1974 жыл |
Ақсу-Кендірлі газ кен орны — Оңтүстік Маңғыстау ойысымының Ақсу-Кендірлі баспалдағындағы газ кен орны. Маңғыстау облысында, Жаңаөзен қаласынан оңтүстікке 140 км жерде.
Тарихы[өңдеу | қайнарын өңдеу]
Құрылым 1955 жылы айқындалды. Іздестіру бұрғылауы 1969 жылы басталды. Кенорын 1972 жылы ашылды.
Геологиялық құрылымы[өңдеу | қайнарын өңдеу]
Газ сыйыстырушы құрылым солтүстік-батыс бағытта созылған, екі биіктікпен күрделіленген брахиантиклин қатпар. Барлау жұмыстарымен сол қатпардың орталық және оңтүстік-шығыс бөліктері зерттелген. Оның гипсомерлік белгілері біршама биіктеу келетін солтүстік-батыс бөлігі теңіз аумағында. Көтерілімнің өлшемдері, ортаңғы юраның бат жікқабатына тиесілі түзілімдердің табаны бойынша (изогипса -2130 м) есептегенде, 18,5x11 км, амплитудасы 47 м. Қатпар қанаттарының еңістену бұрышы 20°-тан аспайды. Төменгі бордың апт жікқабатының жоғарғы бөлігінің өнімділігі айқындалды. Оңтүстік-шығыс биіктіктен шағын ғана қойнауқаттық газ жатыны табылды.
Жатыс сипаты[өңдеу | қайнарын өңдеу]
Жинауышы кеуекті, ашық кеуектілік көрсеткіші 19%. Өнімді қойнауқаттың жалпы қалыңдығы 29,5 м, тиімдісі 22,3 м, газбен қаныққан қалыңдығы 4,3 м. Газдылық коэффициенті 0,48. Газды жатынның биіктігі 13 м. Бастапқы қойнауқаттық қысым 20,5 МПа, температура 88°С. 5 мм-лік штуцердегі газ шығымы (өнімі) 48 мың м3/тәу. Қойнауқаттық су хлоркальцийлі типке жатады. Кен орнында жұмыс 1974 жылдан бері тоқтатылған.[1]
Дереккөздер[өңдеу | қайнарын өңдеу]
- ↑ Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1