Байзақов көшесі (Алматы)

Уикипедия — ашық энциклопедиясынан алынған мәлімет
Навигацияға өту Іздеуге өту

Байзақов атындағы көше (Алматы)

Көшеге сұлу сөздің хас шебері, суырыпсалмалық қабілетімен айрықша танымал болған қазақтың халық ақыны, композиторИса Байзақовтың есімі (Алматы қаласы атқару комитетінің 21.04.1971 №122 шешімі) берілген. Байзақов Иса (1900-1945) Павлодар облысының Ертіс ауданында дүниеге келген. Иса сөз өнері мен музыка аспаптарын жетік меңгерген, оның «Ақбөпе», «Құралай сұлу», «Алатау баурайында», «Апатау неге қуанады?», «Бақташының ертегісі» поэмалары қазақ өнерінің алтын қорына енген.

Көше Әуезов, Алмалы, Бостандық аудандарын қиып өтеді. Қаланың Батыс беткейінде солтүстік бағытта Райымбек даңғылынан басталып, Тимирязев көшесіне дейін созылып, Есентай өзенін бойлай өтеді. Бұрынғы атаулары: а)Декханская; ә)Пчеловодная көшелері. Көшенің ұзындығы - 4400 метр.[1]

Дереккөздер[өңдеу | қайнарын өңдеу]

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0