Бали аралы
Бали аралы, Индонезия құрамындағы Малайя топаралына жатады. Ява аралынан жіңішке бұғаз (ені 7 км) арқылы бөлінген. Ауданы 5,8 мың км2. Тұрғыны 3 млн. адам (1995 жылы). Жер бедері таулы, ендік бағытта орналасқан тау сілемдерінің биіктігі 1500 — 3000 м (Агунг жанартауы — 3142 м). Жағалары тік жар, аз тілімденген. Агунг жанартауы 1963 жылы наурызда, 613 жылдан кейін атқылап, 5 мыңнан астам адам өліміне және үлкен материалдық шығынға ұшыратты. Климаты тропиктік, муссондық. Жазы жауын-шашынды (жылына 1500 мм), қысы құрғақ. Топырағы қызыл-сары, ферралитті. Биік белдеулерде мәңгі жасыл орман, жағадағы батпақты ойпаттарда мангр өсімдіктері өседі. Арал Индонезия көне мәдениетінің ірі орталығы болып табылады. Мұнда “Король бейіті” (11 ғасыр), “Пілдер үңгірі” (13 ғасыр) сияқты архитектор ескерткіштер бар. [1]
[өңдеу] Пайдаланылған әдебиет
- ↑ Қазақ энциклопедиясы, 2 том;
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет. |
