Балмағамбет Аймаханов

Уикипедия — ашық энциклопедиясынан алынған мәлімет
Навигацияға өту Іздеуге өту

Балмағамбет Аймаханов(1910-1956), кен қопарушы, стахановшы. Жаңаарқаның түлегі.

Жігіт шағында Ащысай, Хантағы комбинаттарында жұмыс істеді. Ұлы Отан соғысы жүріп жатқан кезде Жезқазған кен орнына барып, шахтада кен қопарушы болып жұмысқа орналасады. Жезқазғанда істеген алғашқы күндерден бастап шахта асты жұмысының тәсілін жетік білетін қайратты жас жігіт нормаларын үнемі асыра орындаумен көзге түседі. Біраз уақыт өте келе Жезқазған шахтасы кен қопарушыларының алдына шығып, стахановшы-шахтер атанады. Ұлы Отан соғысы жылдарындағы сұраныстың артуын азаматтық борышым деп түсінген патриот азамат жауынгерлік вахтаға тұрып, бір сменалық нормасын 4000% орындап, дүниежүзілік рекорд жасайды. Академик Қ.Сәтбаевтың: «Отан соғысы кезінде елу кен қопарушының жұмысын бір өзі атқарып, елу мың тонна мыс рудасын өндірген қазақ батыры Балмағамбет Аймаханов сынды ерлердің өнегелі ісі мәңгі жасайды», деген сөзі осы ризашылықтан туса керек.

Аймаханов 1948 ж. ҚазКСР Жоғарғы Кеңесіне депутат болып сайланды.

Ленин орденімен марапатталған.[1]

Дереккөздер[өңдеу | қайнарын өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5