Батақтар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Батактар шіркеуі

Батактар (өздік атауы — оранг-батак) — Индонезияның Суматра, Ява аралдарын мекендейтін халық. Саны 3,9 млн. адам (1992). Моңғолдық нәсілдің оңтүстік азиялық тобына жатады. Австронезиялық жанұяның Батыс-зондтық тілдер тобының батак тілдерінде сөйлейді. Бұрын батак әліппесін қолданған, ал қазір латын әліппесінің негізіндегі әліппесі жасалған. Тоба көлі маңындағы батактар христиан дінін тұтынады, қалғандары — мұсылман-сүннит. Әр алуан кәсіппен айналысады. Күріш, жүгері, батат, кассава, қант қамысын, темекі, т.б. дақылдар өсіреді. Мал шаруашылығында буйвол, жылқы, сиыр асырайды. Балық аулаумен де шұғылданады. Қолөнері жан-жақты дамыған. Мысалы, ағашқа ою түсіру, темір ұсталығы, тігіншілік, мата бояу, қайық жасау, тоқыма тоқу, піл сүйегінен, қыш пен саздан түрлі бұйымдар жасау Батактардың күнделікті кәсіптері. Туыстық жақындығы бар жанұялары “марга” аталатын руға ұқсас топқа бірігеді. Баспаналары саманнан, кірпіштен, тастан қаланған, не қамыс пен саз балшықтан тұрғызылып, сырты ою-өрнекпен әшекейленген. Ұлттық киімдері: ерлер мойыны жабық жейде, әйелдер оң иығына орамал жауып, юбка тәріздес тігілген каин киеді және күміс сырға, сақина, білезік, моншақ тағады. Қазіргі кезде көпшілік халық еуропалықтарша киінеді. Ұлттық тағамдарының көпшілігі күріштен даярланады, етті мейрам күндері ғана жейді. Ұлттық фольклоры, ән-жыры мен биі дамыған. [1] Дәстүрлік қоғамдық құрылымға үлкен патрилокал жанұя, левират, сорорат, және кросскузендік келін алу.

Дәстүрлі әлеуметтік-саяси құрылымға көсемшілік және туысқандық топтан шыққан басшының қасында жиылған аутоном жамағат. 1920-шы жылдарда патриархал құлдық, ритуал каннибализм, адам басына аңшылық жасалатын. Жартылай исламданған.

Пайдаланылған әдебиеттер[өңдеу]

  1. Қазақ Энциклопедиясы
  • Ревуненкова Е.В., Народы Малайзии и Западной Индонезии, М., 1980;
  • Народонаселение стран мира, М., 1984.


Сілтеме[өңдеу]

Үлгі:Ethno-stub