Бедер белгілері

Бедер белгілері - құм немесе құмайт шөгінділер бетінде желдің немесе су ағындары мен толқындардың әсерінен пайда болатын белгілер жиынтығы.

Бедер белгілерінің сырт көрінісі бір-біріне бойлас созылған және ирелендей сағаланған білікшелер немесе тарамдала және құстандайлана астасқан ойысшалар мен дөнесшелер жүйесін еске салады. Бедер белгілерінің таптары шөгінді жыныс қабаттары бетінен ұшырасып қалуы ықтимал, оларды зерттеу көне түзілім алабының жекелеген сипаттарын анықтауға мүмкіндік береді.