Бишофит

Уикипедия жобасынан алынған мәлімет
Мұнда ауысу: шарлау, іздеу

Бишофит – галогенидтер класына жататын минерал. Минералды ашқан неміс химигі әрі геологы Г.Бишофтың (1792 – 1870) құрметіне осылай аталған. Химия формуласы MgCl2·6H2O, 1%-ға жуық Br қоспасы болады. Моноклиндік сингонияда кристалданып, ине тәрізді майда кристалдар түзеді.[1] Су сіңіргіш қасиетіне байланысты әдетте қатты түрде кездеспейді, қамыр сияқты жұмсақ болады. Түссіз, кейде ақ, шыныдай жылтыр не күңгірт. Қаттылық 1 – 2, меншікті салмағы 1,6 г/см3-ге жуық, ащы, күйік дәмі болады. Бишофит тұзды көлдерде карналлит, галит, т.б. минералдармен бірге тұнады. Бишофит – магний алынатын құнды шикізат, сондай-ақ ол магнийлі цемент өндіруде, отқа төзімді бұйымдар жасауда, медицинада қолданылады. [2]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Қ 17 Геология/Жалпы редакциясын басқарған — түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайышов — Алматы: "Мектеп" баспасы ЖАҚ , 2003. — 248 бет. ӀSВN 5-7667-8188-1 ӀSВN 9965-16-512-2
  2. Қазақ Энциклопедиясы