Блау Питер Микаэл

Блау Питер Микаэл 7.2.1918 жылы Венада дүниеге келген. Ол америкалық әлеуметтанушы, Колумба университетінің профессоры, тіпті бір уақытта Америка әлеуметтанушынарының Ассоциациясының президенті болған (1973 — 1974). Ол құрылымдық функционалдық мәселелерді зерттеген. Ресми ұйымдардағы құрылымдық өзгерістердін көзін анықтаған. Ол әлеуметтік жанжал, әлеуметтік құрылым теорияларын зерттеп, әлеуметтік структурализм жөнінде үлкен концепция шығарды. "Әлеуметтік кұрылымға түрліше көзқарастар" деген негізгі еңбегінде адамдардың қарым-қатынасындағы экономикалық аспектілерге көп көңіл бөлген. Күрделі әлеуметтік ұйымдардың арасындағы байланыстар, ұжымдық құндылықтар мәселелері жөнінде бірталай еңбектер жазған. Бір сөзбен айтқанда, Блау Америкадағы әлеуметтік құрылымды зерттейтін ірі мамандардың бірі 60-шы жылдары Блаудың басшылығымен Америкада әлеуметтік кұрылымның өзгеру динамикасын зерттеу барысында математикалық әдістерді қолданып, жасөспірімдердің әлеуметтік статусының өзгеруіне әсер ететін факторларды көрсеткен. Микроәлеуметтану теориясының ішіндегі маңыздысының бірі Блаудың әлеуметтік алмасу теориясы. Бұл теория құрылымдық функционализммен салыстырғанда жүйені емес, адамды басты орынға қойды.