Боб Дилан

Уикипедия — ашық энциклопедиясынан алынған мәлімет
Навигацияға өту Іздеуге өту
Боб Дилан (1963)
Боб Дилан (1984)

Боб Дилан (ағылш. Bob Dylan, туған кездегі Роберт Аллен Циммерман, ағылш. Robert Allen Zimmerman; 24 мамыр 1941, Дулут, Миннесота) — америкалық автор–орындаушы, ақын, суретші, киноактер.

Елу жыл бойына рок–музыка әлемінде алып тұлғалардың бірі болған. «Blowin' in the Wind» және «The Times They Are a-Changin'» сияқты туындылары азаматтық құқық алу бағытында болған және АҚШ–тың соғысқа қарсы қозғалыстарының әнұранына айналған.

Rolling Stone журналының жүргізген сауалнамасының нәтижелеріне сүйенетін болсақ, Боб Дилан The Beatles–тан кейінгі рок–музыка тарихындағы ең маңызды тұлға болып есептеледі.

Өмірбаяны[өңдеу | қайнарын өңдеу]

Балалық және жастық шақтары[өңдеу | қайнарын өңдеу]

Роберт Аллен Циммерман 1941 жылдың 24–мамырында Дулут қалашығында саудагердің үйінде дүниеге келген. Оның ата–анасы Абрахам Циммерман және Беатриса Стоун жергілікті еврейлік қауымның өміріне араласқан. Арғы аталары еврейлер болған.

1947 жылы Роберттің әкесі полиомиелитпен ауырып қалуына байланысты отбасы көрші қала — Хиббингке көшеді. Балалық кезінде ол блюзді өте көп тыңдаған. Әсіресе Хэнк Уильямс және Вуди Гатриді сүйіп тыңдайды. Вуди Гатри Робертке өте қатты әсер еткен. Өзінің музыкалық бастауларында оның өлеңдері Вуди Гатридің репертуарынан тұрған болатын. Ол екеуі тек бір–ақ рет кездескен болса да Роберт Гатридің өлең айту манеріне де, гитара тартуына да еліктеген.

Орта мектепте оқи жүріп Боб түрлі ұжымдардың құрамында өнер көрсетіп жүреді. 1959 жылы Миннесота университетіне түскеннен кейін де ол музыкамен айналыса береді. Өзінің мансабында ол көп лақап ат қолданған, бірақ негізгісі ол Боб Дилан боп қала береді. Кейбір деректерде Дилан оның сүйікті ақынының тегі болған делінеді.

Фолк–музыка[өңдеу | қайнарын өңдеу]

Денверге сапарынан кейін Дилан музыкант боларын нақты шешеді. 1961 жылдың қаңтарында ол Нью-Йоркке келеді. Гринвич-Виллиджде оның аты тез танымал болады. 1962 жылы шыққан алғашқы «Bob Dylan» альбомында ескі халық әндерінің жаңартылып айтылған түрлері ғана болған. Оның айту манері халықты өте таңғалдырады. 1962 жылдың тамызында әнші атын ресми түрде Боб Диланға ауыстырады.

Дереккөздер[өңдеу | қайнарын өңдеу]