Бор сиякөгі

Linaria cretacea
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
(unranked)	Asterids;
Сабы:	Lamiales;
Тұқымдасы:	Plantaginaceae;
Тайпасы:	Antirrhineae;
Тегі:	Linaria;
Түрі:	L. cretacea;
Екі-есімді атауы
	Linaria cretacea; Fischer ex Sprengel
Синонимдері
	Linaria menisperma Klokov

Бор сиякөгі (лат. Linaria cretacea) – бақажапырақ тұқымдасы, сиякөк туысына жататын көп жылдық шөптесін өсімдік. Ембі өзенінің орта ағысының бойындағы балшықты төбелерде өседі. Биіктігі 30 см. Сабақтарының жоғары жағы бұтақтанып келеді. Дөңгелек пішінді етжең жапырақтары қос-қостан, кейде үшеуден біріге орналасады. Сары түсті гүлдері бұтақтарының ұшына топталған. Тұқымынан көбейеді. Маусым – шілде айларында гүлдеп, жемістенеді. Жемісі – дөңгелек пішінді қорапша. Бор сиякөгі өте сирек кездесетін эндемик түр болғандықтан қорғауға алынып, Қазақстанның «Қызыл кітабына» енгізілген.