Қазақша Уикипедияның мағлұматы

Бригада — полк сияқты негізгі тактикалық әскери қосындардың бірі. Бригада үлкендігі жағынан полк пен дивизияның арасында орын алады. Екі немесе одан көп бригада бірігіп дивизияны құрайды. Бригаданың құрылымы полктікіндей, бірақ бригадада батальондар мен басқа да бөлімдердің саны әлдеқайда көп. Мысалы, мотоатқыштар бригадасында мотоатқыш және танк батальондары полктағыға қарағанда бір жарым-екі есе көп болады. Бригада екі полктан, батальондардан және қосымша құрамалардан да тұра алады. Орта есеппен алғанда бригадада 2000-8000 адам болады. НАТО әскери ұйымында бригада 4000-5000 адамнан тұрады. Шыейцария мен Австрияда бригада 11000 адамға дейін жете алады. Ресей армиясында полк сияқты, бригаданы да полковник шеніндегі әскери басқарады. Басқа армияларда бригаданы бригада генералы басқарады.

[өңдеу] Тарихы

Алғаш рет тактикалық бірлік ретінде бригаданы швед патшасы Густав Адольф Отыз жылдық соғыстың кезінде қолдана бастаған.

[өңдеу] Тағы қараңыз

• Қарулы күштердің құрылымы

[өңдеу] Сілтемелер