Булаев

Қала Булаев Ел ҚазақстанҚазақстан Облысы Солтүстік Қазақстан облысыСолтүстік Қазақстан Ауданы Мағжан Жұмабаев ауданы Координатасы 54.9, 70.43333354°54′00″ с. е. 70°26′00″ ш. б.54.9° с. е. 70.433333° ш. б.    Ресми тілі қазақ тілі Тұрғыны 8 153 адам (2010) Уақыт белдеуі UTC+6 Автомобиль коды T

Булаев – Солтүстік Қазақстандағы қала, М. Жұмабаев атындағы ауданның әкімшілік орталығы (1928). Облыс орталығы – Петропавл қаласынан шығысқа қарай 90 км жерде, Транссібір (Оңтүстік Сібір) темір жол магистралінің бойында, “Қамыстысай” деп аталатын ұзын, кең сайда, орманды белдемде орналасқан. Іргесі 1894 ж. қаланған. Іргесі 19 ғасырдың 90-жылдарында Транссібір темір жол магистралін салуға байланысты темір жол станциясы ретінде қаланды. 1936 жылдан аудан орталығы. Қалада май, ұн зауттары, астық қоймасы, тұрмыс қажетін өтеу комбинаты жұмыс істейді. Жалпы білім беретін мектептер, 2 мәдениет үйі, аурухана, туберкулезге қарсы диспансер, санитарлық-эпидемиология станциялары, т.б. мекемелер бар. Булаев арқылы мемлекетаралық маңызы бар Петропавл — Омбы автомобиль жолы өтеді. 1940 ж. кент, 1969 ж. аудан бағыныстағы қала. Халқы 9 мың адам (2009).

Қалада элеватор, «нан зауыты», «Май жасайтын зауыты» акционерлік қоғамдары, құрылыс және автокөлік кәсіпорындары, әр түрлі аудандық ұйымдар мен мекемелер жұмыс істейді. Одан басқа орталық аудандық аурухана, дәріхана, санэпидстанция, 4 орта мектеп, мәдениет үйі, 3 кітапхана бар. Булаев темір жолы арқылы Транссібір темір жолы магистралі және Мәскеу – Петропавл – Булаев – Омбы автотрассасы, т.б. автожолдар өтеді.