Бхотиялар

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Бхотиялар — халық. Гималай тауы аймағындағы Бутан мемлекетін (1 млн.), Непалды (120 мың), Үндістанның солтүстігін (90 мың) қоныстанған (1995). Моңғол нәсіліне жатады. Тибет тілдері тобындағы бхотия тілінде сөйлейді. Көпшілігі будда (ламаизм) дінін ұстанады. Дәстүрлі кәсібі — егін, мал шаруашылығы Арпа, бидай, тары, қарақұмық дақылдарын, картоп, бидай, шомыр өсіреді. Егіншілікпен негізінен әйелдер айналысады. Малдан қодас (як), дзо, қой мен ешкі бағады. Керуен жолымен жүргізетін сауда-саттығы дамыған. Көбіне тұз, жүн-жұрқа, түрлі дақылдар сатады. Бхотиялардың біразы жалданып жүк тасиды. Ру-тайпаға бөліну ғұрпы сақталған. Жазық жерлерде тұратын Бхотиялардың көп жанұялы үйлері тастан қаланып, ауласы қоршалған болып келеді. Непалдағылар төбесін жуан шыбықпен (прут) жауып, үсті балшықпен сыланған екі қабатты тас үйлер салады. Астыңғы қабаты мал қорасы, терезесі екінші қабатында орналасады. Ал малшылары мал терісінен тігілген шатырларда тұрады. Ұлттық тағамдары — ет пен сүт, көкөніс түрлері және арпа талқанына сүт қосып пісіретін цзамбаны жиі қолданады. Шайға сүт, тұз, май, жұмыртқа қосып ішеді. Арпадан “чан” сырасын дайындайды. Сиыр етін жей береді. Тауға сиыну ғұрпы сақталған. [1]

Пайдаланылған әдебиет[өңдеу]

  1. “Қазақ Энциклопедиясы”, II-том