Бірлесіп оқыту

Бірлесіп оқыту – ол белгілі бір мұғалімдер тобының оқу тапсырмаларын бірге жасап, сабақ жоспарын құруы және сол сабақты бірге өткізуі болып саналады. Тәжірибеде, топтық оқытылу әр түрлі форматтарда өткізілуі мүмкін, сірә, ол мұғалімдерді топта жинап, оқыту сапасын көтеру мақсатында жасалынады. Бірлесіп оқытып жүрген топ мұғалімдерінің жүргізетін пәндері әр турлі бола алады, бірақ оқытып жүрген сыныптары бір болу керек. Және де сабақтарды жоспарлау уақыты сәйкес болуы жөн.

Бірлесіп оқытудың түрлері

Дәстүрлі бірлесіп оқыту – екі немесе одан көп мұғалімдер тобының бір сыныпта сабақ беруі. Мысалы, анатомия сабағында, бір мұғалім дәріс оқып, сұрақ қойса, екіншісі проектор арқылы анатомдау өлікті жарып қарау қалай жүзеге асатындығын көрсетеді. Яғни, бір мұғалім сабақты теориялық тұрғыдан қарастырса, екіншісі практикалық жұмысты қамтамасыз етеді.

Коллаборативтік оқыту – кез келген оқыту материалды монолог ретінде берудің орнына, бірлесіп оқытып жүрген мұғалімдерінің сынып алдында кез келген тақырыпты талдап, ойлардың алмасуы. Мысалы, тәрбие сабағында ерікті түрде өмірден өту тақырыбы қарастырылса : дебат ойыны ұйымдастырылып бір мұғалім дәрі-дәрмек көмегімен жасалатын суицид ойын қорғаса, екіншісі соған қарсы аргументтерді келтіріп, жоққа шығаруға тырысады. Кейін оқушылар соған байланысты жазбаша түрде өз пікірлерін білдіреді.

Паралельді түсіндіру моделі – екі мұғалім бір сыныпты екі топқа бөледі. Сол топтарға бірдей оқыту материалын түсіндіреді. Негізгі ерекшелігі ол - мұғалімнің әр оқушыға жеке көмек көрсете алатындығы. Мысалы, бастауыш сыныптарда үйді кішкентай балаларға қауіпсіз ету туралы сабақ жүргізілсін. Әр мұғалім өз топпен жұмыс істегенде, әрбір оқушымен жұмыс істеп, көбірек көңіл аудара алады.

Дифференциативтік оқыту моделі – сынып бірнеше топқа бөлінеді. Оқушылардың бөлінуі олардың үлгеріміне байланысты. Мысалы, математика сабағында бір топ оқушылары тақырыпты жақсы түсініп, келесі тақырыпты бастауға дайын болса, басқалар сол тақырыпты дұрыс түсінбей, оны қайталауға мәжбүр.