Бұйрагүл (завиток)
Бұйрагүл (завиток) - жаңа туған қаракөл қозылар жүнінің иірлігі (иректілігі) мен түрлі типті және формадағы бұйрасының пайда болуы тек қана қаракөл тұқымына тән сипатта болады. Бұйралардың типі және формасы төмендегіше бөлінеді: 1 - толқын бұйра (қаламша), (формалары: жарты шеңбер немесе түтікше, жайпақ немесе қабырға); 2 - ірі бұршақ гүлді (формасына қарай бөлінбейді); 3 - жалма (бір және екі жақты); 4 - сақина; 5 - бұршақ гүл; 6 - моншақ гүл; 7 - бұйрасыз, тықыр жылтыр жүнді (ласы) және 8 - формасы бұзылған (деформированные). Құндылығына қарай (қалаулысы) бұйра гүлдерді бағалы (толқын бұйралы, орташа жалпақтықтағы жалша, бағалығы аздау), (ірі бұршақ гүлді, жалпақ және жіңішке жалша), бағасы аз (сақина, бұршақ гүл), кемістігі бар (моншақ гүл, бұйрасыз, тықыр жылтыр жүнді және формасы бұзылған).
Дереккөздер[өңдеу | қайнарын өңдеу]
Ә.Байжұманұлы, К.Бекболатұлы. Мал шаруашылығы сөздігі. Алматы-2011. ISBN 978-601-7254-21-6