Бұршақтылар

Қазақша Уикипедияның мағлұматы

Бұршақтылар (Leguminosae) — даракүлтелі, қосжарнақты өсімдіктер тұқымдастарының бірі. Мұның 500-ге жуық туысы, 12 000-нан астам түрі бар, бұлардың СССР жерінде есетіндері — 1 800. Бұршақтыларға жататын өсімдіктер: ағаш, бұта, шалабұта, лиана, көпжылдық және біржылдық шөп өсімдігі. Бұршақтылар үш түрлі тұқымдас тармағына бөлінеді. 1) мимозалықтар (қара), 2) цезальпиниеліктер, 3) бұршақ гүлдестер. Бұршақтылар азот тұздары кем топырақтарда да өсе береді. Өйткені бұршақтар азотобактерлермен селбесіп тіршілік етуінің арқасында, ауадағы бос азоттан тұз жасайды. Соның арқасында құнарсыз топырақ біртіндеп азотты тұзға байиды. Сондықтан да бұршақты өсімдіктер көп танапты егіс системасында кең түрде қолданылады. Бұл әдіс топырақты құнарландырып, егіннің түсімін арттырады. Бұршақ тұқымдастарына жататын өсімдіктер еліміздегі азық-түлік, жемшөп дақылдарының негізгі түрінің бірі болып есептеледі. Бұлар (бұршақ, сыйырбүршақ, бобтар, соя, жасымық) кей кездерде жануарлар организмінен алынатын белоктардың орнын толықтырып отырады.

[өңдеу] Тағы қараңыз

[өңдеу] Пайдаланылған әдебиеттер

• Т. Мұсақұлов, ОРЫСША-ҚАЗАҚША ТҮСІНДІРМЕЛІ БИОЛОГИЯЛЫҚ СӨЗДІК І-том ҚАЗАҚМЕМЛЕКЕТБАСПАСЫ, Алматы — 1959, Редакциясын басқарған: Биология ғылымының докторы профессор Т. Дарқанбаев