Василий Яковлевич Струве

Уикипедия — ашық энциклопедиясынан алынған мәлімет
Навигацияға өту Іздеуге өту

Василий Яковлевич Струве (1793 жыл 4 сәуір, Альтона, Германия - 1864 жыл 11 қараша, Петербург) - орыс астрономы және геодезисі, 1832 жылдан Петербург ғылым академиясының академигі.

Өмірі[өңдеу | қайнарын өңдеу]

1810 жылы Дерпт университетін бітірген. 1818-1839 жылдары Дерпт астрономия обсерваториясының, 1839-1862 жылдары Пулков обсерваториясының директоры болды. 1813 жылдан қос жұлдыздарды кең түрде зерттей бастады. Ол 27 жұлдыздың параллаксын алғаш рет 1822 жылы дәлірек анықтап берді. Струве - Пулков астрометриялық мектебінің негізін қалаушы. Ол 1845-1847 жылдары жұлдыздық жүйелердің заңдылығын зерттей отырып, жұлдыздық статистиканың интегралдық теңдеуін тапты. Құс жолының бас жазықтығында жұлдыздар шоғыры орналасқандығын байқады, жарықтың ғарышта жұтылу мүмкіндігін дәлелдеді. Геодезия саласынан да елеулі зерттеулер жүргізді. Ол көптеген шетел академиялары мен қоғамдарының мүшесі болды.[1]

Дереккөздер[өңдеу | қайнарын өңдеу]

  1. Қазақ Совет энциклопедиясы, 1976 жыл, Алматы,10 том, 428 бет