Верас Дени

ВЕРАС Дени (1630-1700 ж. ш.) - Францияда утопиялық социализм идеяларын насихаттаған тұңғыш шығарма - "Севарамбтар тарихы" (1677-79) деген жолжазба-романның авторы. Верас ойдан шығарылған севарамбтар қоғамына олардың заң шығарушысы Севарис жүргізген әлеуметтік реформаларды суреттейді. Реформаға дейінгі қоғамды суреттеуі Верасты табиғи право теоретиктерімен және 18 ғ. утопист - социалистермен жақындастырады. Реформа жасалған Севарамбия қоғамында тумысына байланысты артықшылықтар мен жеңілдіктер болмайды; жекеменшік жойылған: жер және барлық байлық халықтың меншігіне берілген; қарттар мен науқас адамдардын басқа барша жұртқа еңбек ету міндетті деп жарияланған. Ел өндірістік принцип бойынша осмазияға - қала мен село өндірісіне бөлінген, оларда балалар жалпы және кәсіптік білімді ұштастыру негізінде оқытылады. Севарамбтар монарх сайлайды, оның билігі сайланбалы мекемелермен шектелген. Күнді құдіретті Құдай деп құрметтейді. Верас романы кеңінен мәлім болып, көптеген еліктеушілерді туғызды.