Вера Петровна Верболович

Вера Петровна Верболович (16 желтоқсан 1938 жылы, Украина, Днепропетровск қаласында туған) – медицина ғылымдарының докторы (1978 жылы), профессор (1982 жылы), ҚР-ның еңбек сіңірген ғылыми және техника қайраткері.

Алматы мемлекеттік медицина институтын (1961 жылы, қазіргі Қазақ ұлттық медицина университеті) және Қазақстан Ғылым Академиясының Өлкелік патология институтының аспирантурасын (1966 жылы) бітірген. Қостанай қаласындадәрігер (1961–63 жылдары), Өлкелік патология ғылыми-зерттеу институтында кіші, аға ғылыми қызметкер (1967–68 жылдары), А.Н. Сызғанов атындағы Хирургия ғылыми орталығында аға ғылыми қызметкер (1968 жылдан), зертхана меңгерушісі (1979 жылдан) қызметтерін атқарды.

Оның негізгі ғылыми жұмыстары клиникалық биохимия мәселелеріне арналған. Верболович инфрақызыл спектроскопия әдісімен биохимия мембрана құрылысын зерттеген. Верболович 230 ғылыми-зерттеу еңбектің, оның ішінде 2 монографияның авторы.

Шығармалары

• "Инфракрасная спектроскопия биологических мембран", 1977 жылы;
• “Адекватность общей анестезии“, 1992 жылы;