Виктор Иванович Пацаев

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Пацаев, Виктор Иванович
Виктор Иванович Пацаев
Ғарышкер
 Азаматтығы КСРО
 Туған 1933 маусымның 19
Ақтөбе, Қазақ АКСР
 Қайтыс болғаны 1971 маусымның 30
Қарағанды облысы, Қазақ КСР
 Мансабы1 Зерттеуші-ғарышкер
 Ғарыштағы уақыт 23d 18h 21m
 Іріктелуі 1969
 Тапсырыс(тары) Союз 11
 1 алдыңғы не ағымдағы

Виктор Иванович Пацаев — КСРО-ның ұшқыш-ғарышкері, Кеңес Одағының Батыры.

1933 жылы 19 маусымда Ақтөбе қаласында туған.

Пенза индустрия (қазіргі политехникалық) институтын бітіргеннен кейін (1955), КСРО Гидрометеорология қызметінің Орталық аэрология обсерваториясында және конструкторлық бюрода қызмет етті.

1969 жылы ғарышкерлер отрядына қабылданды.

1971 жылы 6 маусымда «Союз-11» ғарыш кораблімен сынаушы ретінде Г.Т. Добровольский және В.Н. Волковтармен бірге ғарышқа ұшты. Сол жылғы 7 маусымда «Союз-11» ғарыш кораблі «Салют» ғылыми станциясымен түйісу операциясын ойдағыдай жүзеге асырып, ғарышта 23 тәулікке жуық барлығы 25 тәулік болды. Ұшу бағдарламасы толық аяқталып, Жерге қону кезінде түсу аппаратының герметикалылығы бұзылуы салдарынан экипаждың басқа мүшелерімен бірге қаза тапты.

Ленин орденімен марапатталған.

Қызыл алаңда Кремль қабырғасына жерленді.

Пацаев атында Ақтөбеде көше, алаң, мектеп, шаруашылық ұжымдары бар.

1972 жылдың 19 маусымында ұшқыш-косманавтқа арналған ескерткіш-бюсттің салтанатты ірге тасы қойылды. Ескерткіштің авторлары — скульптор Ю.А.Тур мен архитектор А.А.Заварзин үлкен ауқымды жұмыс атқарды.Бюсттің биіктігі 2 метр.Ескерткіш 1976 жылы ашылды.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х