Волгорадтағы автобус жарылысы
| Волгоградтағы автобус жарылысы | |
|---|---|
| |
| Шабуыл орны |  Ресей, Волгоград
|
| Дата | 21 қазан 2013 |
| Шабуыл әдiсi | Қолдан жасалған қопарғыш жабдықты жару |
| Қаза тапқандар саны | 8 (террористті қосқанда) |
| Жарақаттанғандар | 32 |
| Террористер саны | 1 |
| Террористер | Наида Әсиялова |
| Ұйымдастырушылар | |
Волгоградтағы автобус жарылысы — 2013 жылдың 21 қазан күні ресейлік Волгоград қаласында болған террорлық акт.[1]
Оқиғалар ағымы[өңдеу | қайнарын өңдеу]
Жарылыс 2013 жылдың 21 қазан күні сағат 14:06-да (UTC+4) орын алды.
Жарылысқа бұрама шегелер мен металл жоңқалары сияқты зақымдаушы элементтермен жабдықталған екі тротилдық шашка және екі граната себеп болды[2]. Жарылыстың күші тротилдық эквивалентте 500-600 г-ды құрады[3].
Жарылыс нәтижесінде 7 адам қаза болды, 33 адам жарақаттанды (оның 28-і ауруханаға жатқызылды, 8-і — реанимацияда)[4].
Тергеу[өңдеу | қайнарын өңдеу]
Ресейдің құқықтық-тергеу орындары осы оқиғаға әзірден-ақ террорлық әрекет деген баға беріп қойды. Бастапқыда жарылысқа автобустың газ баллонындағы кінәрат себеп болды деген сарапшылар пікірі алға тартылған еді. Алайда артынша жарылыстың қасақана ұйымдастырылғаны туралы айғақтар табылды.
Аталған елдің лаңкестікке қарсы комитетінің хабарлауынша, Мемлекеттік университеттен «Юбилейный» кинотеатрына қарай бет алып бара жатқан автобус салонында жарылғыш зат іске қосылған. Оқиға болған сәтте қоғамдық көліктің ішінде 40-қа тарта адам болған. Қазіргі күні қоғамдық көліктегі жарылысты ұйымдастырған жанкештінің есімі де белгілі болды. Алғашқы ақпарат бойынша жарылғыш затты автобусқа Наида Әсиялова есімді әйел алып кірген. Оқиға орын алған жерден аталған әйелдің құжаттары табылыпты. Әсиялова – Ресейдің Федералды қауіпсіздік қызметіне осы елдегі атышулы лаңкес Дмитрий Соколовтың жұбайы ретінде жақсы таныс. Деректерге қарағанда, жанкешті ем-дом қонбайтын аса қауіпті сүйек ауруына шалдыққан екен. Қазіргі күні лаңкестік оқиғаға байланысты қылмыстық іс қозғалды.
Халықаралық реакция[өңдеу | қайнарын өңдеу]
Терактты БҰҰ-ның бас хатшысы Пан Ги Мун[5], Испания[6] және АҚШ[7] үкіметі айыптады.
Дереккөздер[өңдеу | қайнарын өңдеу]
- ↑ Ксения Бурменко , Николай Грищенко. Автобус в Волгограде взорвала женщина-шахидка (21.10.2013). Тексерілді, 21 қазан 2013.
- ↑ Смертницу, подорвавшуюся в Волгограде, год разыскивали спецслужбы, lifenews.ru
- ↑ Теракт в Волгограде: детали (22 қазан 2013 ж.). Тексерілді, 22 қазан 2013.
- ↑ Взрыв автобуса в Волгограде: хроника событий, rg.ru
- ↑ Генсек ООН "самым решительным образом осудил" теракт в Волгограде (21.10.2013). Тексерілді, 22 қазан 2013.
- ↑ Испания солидарна с Россией и готова к расширению сотрудничества в борьбе с терроризмом - МИД (21.10.2013). Тексерілді, 22 қазан 2013.
- ↑ АҚШ соболезнуют в связи с терактом в Волгограде (21.10.2013). Тексерілді, 22 қазан 2013.
