Георг Арутюнович Чмшкян
Георг Арутюнович Чмшкян(19.03.1837, Тифлис,-10.01.1916,Петербург) - армян актері, режиссер, драматург, театр қайраткері. Тифлистегі армян діни семинаиясында және орыс жер өлшеуші училищесінде оқып, агрономиялық білім алды. Сахналық қызметін 1862 жылы Тифлисте бастады. 1863 жылы осында армянның профессионалды жаңа театрын ұйымдастырып, режиссерлік және актерлік өнермен шұғылданды. Чмшкян - армянның реалистік сахна өнерінің негізін салушы.
Рөлдері[өңдеу | қайнарын өңдеу]
Негізінен Г.М.Сундукян пьесалары бойынша қойылған спектакльдерде ойнады:Масисян ("Хатабалада"),Микаэл ("Тағы бір құрбандықта"),Пэпо(осы аттас пьесада). Бұдан басқа Отелло, Шейлок (Шекспирдің осы аттас трагедиясы мен "Венециан көпесінде"),Карл Моор (Шиллердің "Қарақшыларында"),Эрнани,Анджелло(Гюгоның осы аттас пьесаларында) т.б. пьесаларды ойнады. Ол - драмалық , трагедиялық, комедиялық және фарстық - водевильдік рөлдерде бірдей өнер толғаған көрнекті сахна суреткері. Пьесалар аударды, сондай - ақ өзі де драмалық шығармалар, армян театры туралы мақалалар жазды.
Қолданылған әдебиет[өңдеу | қайнарын өңдеу]
- Қазақ Совет энциклопедиясы, 1978 жыл, Алматы,12 том, 146 бет