Гидрологиялық станса

Гидрологиялық станса – 1) су нысандары мен аумақтардың гидрологиялық режиміне (су деңгейі, температурасы, ағыс жылдамдығы, лайлылығы, мұз қату және еру құбылыстары, толқындар, т.б.) белгілі бір бағдарлама бойынша бақылау мен зерттеу жүргізетін гидрометеорологиялық өндірістік мекеме. Гидрологиялық стансада қажетті құрал-жабдықтармен жабдықталған байқау орындары (су өлшеу бекеті, гидрол. жақтау, т.б.) болады. Әрбір Гидрологиялық станса әдетте белгілі бір су жинау алабының аумағын қамтитындай етіп ұйымдастырады; 2) кемеден гидрол. байқаулар (теңіздің, көлдің, ондағы ауа райының жағдайы, әр түрлі тереңдікте судың мөлдірлігі мен түсі, температурасы мен хим. құрамы, ағыстың бағыты мен жылдамдығы) жүргізілетін, теңіз (көл) бетіндегі нақты координаталары бар пункт.