Гольджи Камилло

Гольджи Камилло

Гольджи (Golgi) Камилло (1844-1926 ж.ж.) — итальян ғалымы, невропатолог, гистолог. 1905 жылы Петербург Ғылым академиясының мүше-корреспонденті атағына ие болған. К. Гольджи жүйке жүйесі гистологиясы және морфологиясы туралы іргелі ғылыми еңбектер жазып қалдырған. Ол 1873 жылы жүйке ұлпасының гистологиялық препараттарын дайындау әдісін жасап, жүйке жасушаларының екі түрін ажыратып анықтаған. Камилло Гольджи 1898 жылы ми нейроциттері цитоплазмасында орналасқан тор төрізді құрылымның бар екендігін анықтады. Бұл құрылым кейіннен Гольджи аппараты деп аталды. К. Гольджи 1906 жылы С. Рамон-и-Кахальмен бірге Нобель сыйлығын алған. Гольджи аппараты, Гольджи кешені (аппарат Гольджи,комплекс Гольджи)apparatus goigiensis,dcomplexus golgiensis, грек, apparatus - аппарат, complexus — жиынтық, кешен, Golgi - итальян ғалымы) — биологиялық жарғақпен (мембрана) шектелген жасуша органелласы. Электрондық микроскоппен қарағанда бұл органелла үш түрлі құралымдардан: созылыңқы келген қапшықтар мен көпіршіктерден және түтікше келген қуыстардан (вакуольдерден) түрады. Бұл құралымдар сыртынан жарғақтармен (мембраналармен) шектеліп, жасуша [[цитоплазма|цитоплазмасында шоғырланған шағын аймақтар түзеді. Осылай жекеленіп орналасқан цитоплазма аймағын диктиосома деп атайды. Бір диктиосомада 5-10 шақты созылыыңқы қапшықтар мен түтікшелер және көпіршіктер орналасады. Гольджи аппараты өзінен секрет бөледі және біріншілік лизосомаларды түзеді.^[1]