Грегариндер
Грегариндер (Gregarіnіa) – споровиктер класына жататын бір клеткалы организмдер. Бұлар омыртқасыздар (жәндіктер, құрттар, т.б.) мен төм. сатыдағы хордалылардың ішек қуысында, жыныс органдарында клеткадан тыс паразиттік тіршілік етеді. Грегариндердің 800 – 1000-нан аса түрі белгілі. Archіgregarіnіda, Neogregarіnіda және Eugregarіnіda деп аталатын үш отряды бар. Денесінің ұз. 10 мкм-нен 16 мм-ге дейін. Денесі бір клеткалы болғанымен үш бөлімнен тұрады: эпимерит – ауыз және жәндіктерге бекіну қызметін атқаратын алдыңғы бөлігі; протомерит – ортаңғы бөлігі; дейтомерит – ядросы бар артқы бөлігі. Қорегін, негізінен, эпимерит бөлігімен, сондай-ақ бүкіл денесі арқылы да сіңіреді. Көбінесе жынысты жолмен көбейеді. Екі грегариннен пайда болған гаметалар бір-бірімен қосылып, зиготаға, одан ооцистаға айналады. Ооцистаның ядросы сегізге бөлініп, одан спорозоиттар пайда болады. Ооциста иесінің нәжісімен бірге сыртқа шығарылады. Басқа организмге енген кезде, ооциста жарылып, одан спорозоиттары шығады. Олар ішек қуысының клеткаларына жабысып, өсе келе ересек Г-ге айналады.
[өңдеу] Пайдаланылған әдебиеттер
- ↑ Қазақ энциклопедиясы
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет. |
