Григорий Афанасьевич Баздырев

Уикипедия — ашық энциклопедиясынан алынған мәлімет
Навигацияға өту Іздеуге өту
Григорий Афанасьевич Баздырев
Туған күні

1907 (1907)

Туған жері

Комариха с., Шипунов ауданы, Алтай өлкесі

Қайтыс болған күні

25 желтоқсан 1971 (1971-12-25)

Қайтыс болған жері

Семей

Азаматтығы

 КСРО
 Қазақ КСР

Марапаттары мен сыйлықтары
Кеңес Одағының Батыры
Ленин ордені II дәрежелі Отан соғысы ордені Қызыл жұлдыз ордені 1941-1945 жж. Ұлы Отан соғысында Германияны жеңгені үшін медалі

Григорий Афанасьевич Баздырев (1907, Алтай өлкесі, Шипунов ауданы Комариха с. - 25.12.1971, Семей қаласы) – екінші дүниежүзілік соғысқа қатысушы, гвардия старшинасы, гвардиялық саперлер бөлімшесінің командир). Орыс.

1928-30 ж. Қызыл армия қатарында борышын өтеген. 1941 ж. Кеңес әскері қатарына шақырылып, Қиыр Шығыста болды. Кіші командирлер мектебін бітірген соң 1942 ж. Ұлы Отан соғысы майданына жіберілді. 7-гвардиялық механизацияланған бригадасы (Сталинград майданы, 47-армия, 3-гвардиялық механизацияланған корпус) инженер-миналық ротасының саперлік бөлімінде ұрыстарға қатысты. Баздырев 1943 ж. қыркүйек айында Украинадағы Черкассы облысы Канев ауданы Селище с. маңында Днепр өзенінен өтіп, жау плацдармына мина қойды. Оның қойған миналарынан жаудың 5 танкісі жарылды.

КСРО Жоғары Кеңесі Төралқасының Жарлығымен Кеңес Одағының Батыры атағы беріліп, Ленин ордені мен «Алтын Жұлдыз» медалі қоса тапсырылды (3.6.1944). «Қызыл Жұлдыз», 2-дәрежелі Оган соғысы ордендері мен медальдардың иегері.

1945 ж. соғыс аяқталған соң Семей қаласында тұрып, ағаш өңдеу комб-нда жұмыс істеді.[1]

Дереккөздер[өңдеу | қайнарын өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х